لوشن العلكة (العلچ)
لوشن العلكة (العلچ)
العلج نحبه بس اذا ياك على لوسن هذي السووووبر عاد
ما ينوكل لا تندمج خيي
هذا اللوشن مشكلته إن ريحته تردك أيام البقالة يوم أكبر همك شنو نكهة العلك اللي بتاخذها
ريحة علكة حلوة خيالية، سويت وفواحة بطريقة تخليك كل شوي تشم إيدك وتقول شنو هالريحة
وفوق الريحة ترطيبه حلو ويخلي البشرة ناعمة وملمسها مرتب، يعني مو بس معطر وحاطينه لكم بعلبة لوشن وخلاص
واللي يحب الروايح السكرية والحلوة، الله يعينه إذا شمه عندنا
فوائده :
يرطب البشرة ويساعد على تقليل الجفاف
يخلي ملمس الجسم أنعم وأطرى
يساعد على تحسين ملمس المناطق الجافة والخشنة
ممتاز لليدين والأكواع والركب والقدمين وباقي الجسم
حلو عقب الشاور وعقب السنفرة
يعطي البشرة ملمس ناعم ومرطب
ريحته علكة حلوة وفواحة تخلي الجسم ريحته خيالية
شلون أستخدمه ؟
لا تمضغه أول شي خل نتفق
خذ كمية مناسبة وحطها على بشرة نظيفة
دلك اللوشن على الجسم لين يتشرب
ركز أكثر على الأماكن الجافة
استخدمه يوميًا وحسب حاجة بشرتك
وعقب الشاور يصير استخدامه أحلى
منو يستخدمه ؟
أكيد مو اللي للحين يشتري علك ويبلعه بالغلط
الشباب والبنات
اللي يعشقون ريحة العلكة والروايح الحلوة
اللي يحبون جسمهم يكون مرطب وناعم
اللي بشرتهم تحتاج ترطيب يومي
اللي يستخدمون سنفرة ويبون ترطيب حلو بعدها
تنبيه ‼️
ترى علكة بالاسم والريحة بس لا أحد يتحمس
للاستخدام الخارجي فقط
غير صالح للأكل
تجنب ملامسة العين
لا يستخدم على الجروح أو البشرة المتهيجة
للبشرة الحساسة يفضل تجربة كمية بسيطة أول