شاور جل - العرس
شاور جل - العرس
شاور جل بخور العرس حق اللي يبي يبدأ تجهيز المناسبة من الشاور نفسه
ريحة بخور شرقية فخمة ودافية، تعطي إحساس العروس و الملچة والبيت المتبخر قبل لا يوصلون المعازيم
حق المعرس قبل الدشداشة والغترة والبشت، وحق العروسة قبل الفستان والعطر والبخور، ويضبط حق المناسبات والزوارات والجمعات بعد
ينظف الجسم ويعطي إحساس انتعاش ونظافة مع ريحة بخور تخلي التجهيز للمناسبة غير
فوائده :
ينظف الجسم من الأوساخ والزيوت المتراكمة
يعطي إحساس بالنظافة والانتعاش بعد الشاور
ريحته بخور شرقية فخمة ودافية
مناسب جدًا لأجواء العرس والملچة والمناسبات
حلو قبل استخدام اللوشن والعطر والبخور
يعطي رغوة حلوة أثناء الاستحمام
يترك على الجسم إحساس نظافة وريحة مميزة
مناسب للاستخدام اليومي وبعد مو بس حق الأعراس
شلون أستخدمه ؟
قبل البشت والفستان عندنا شغلة أهم
بلل الجسم بالماي
خذ كمية مناسبة على الليفة أو إيدك
رغيه على الجسم ودلكه عدل
اغسله بالماي لين يروح بالكامل
عقب الشاور استخدم اللوشن والعطر والبخور وكمل تجهيزك
منو يستخدمه ؟
المعرس اللي يبي يبدأ كشخته من الشاور
العروسة اللي تبي كل تفاصيل تجهيزها على جو المناسبة
حق العروسين بأيام الملچة والعرس
الشباب والبنات اللي يحبون روايح البخور الشرقية
اللي عندهم مناسبات وزوارات وجمعات
واللي ما عنده عرس يستخدمه عادي مو لازم ننطر نصيبنا عشان نتسبح
تنبيه ‼️
للاستخدام الخارجي فقط
تجنب ملامسة العين
لا يستخدم على الجروح أو البشرة المتهيجة
للبشرة الحساسة يفضل تجربة كمية بسيطة أول